Keyp / Søla av Fyritøkum

Keyp / Søla av Fyritøkum

IMO (International Maritime Organization)

VRG hevur síðan byrjan vegleitt fyritøkum við sjóvinnutænastum. Vit hava tí hollar royndir á økinum, og kunnu eitt nú ráðgeva fyritøkum, ið skulu liva upp til krøvini í ISM (International Safety Management Code), ISPS (International Ship & Port Facility Security Code) kodunum og øðrum krøvum, ið IMO setur á maritima økinum.

 

Avskipanareftirlit (AB17 / ISO17020)

VRG bjóðar seg fram sum skoðara í samband við avskipanareftirliti og veita aðrar tænastur sum eru í tráð við AB17 / ISO17020 standardin.

07 Mai

Keyp / Søla av fyritøkum

  07. mai 2015

Keyp av fyritøku

Er áhugi at koma skjótt og væl í gongd við eini nýggjari fyritøku, kann besta loysnin vera at keypa eina fyritøku, í staðin fyri at byrja á null. Felagið kann fara í gongd við sítt virksemi beinanveg, kappingarføri, atgongd til marknaðin og røttu førleikarnar eru nakrir av fyrimununum við at keypa eina fyritøku. So um tú leitar eftir íløgumøguleikum í Føroyum kunnu vit hjálpa tær.

Vit vegleiða fegin, um tú umhugsar eina nýggja íløgu. Vit bjóða millum annað hesar tænastur:

  • Gjøgnumgongd av rakstrarviðurskiftum
  • Váðameting av íløguni
  • Ráðgeving um fígging og endurfígging
  • Bjóða tína vegna (um tú vilt vera ónevnd/ur)

 

Søla av fyritøku

Mennandi, spennandi, tíðarkrevjandi, stuttligt og strævi eru orð, sum í stuttum lýsa starvið sum eigari av egnari fyritøku. Tá tíðin so kemur at fara víðari til næstu avbjóðing, er tað ein sjálvfylgja at vinningurin vigar upp í móti tíð og orku, ið varð løgd í virksemi. Tænastur okkara betra um møguleikan hjá tær at fáa sum best burturúr.

Vit vegleiða fegin, um tú umhugsar at selja tína fyritøku. Vit bjóða millum annað hesar tænastur:

  • Skriva eina sølulýsing
  • Ráðgeva við fígging og endurfígging
  • Skipa fyri sølufremjandi tiltøkum (tú kanst vera ónevnd/ur)
  • Virka sum millumlið í millum keypara og seljara

 

Ring og hoyri nærri.

06 Mai

ISO 14001 umhvørvisstandardurin

  06. mai 2015

ISO 14001 standardurin er ein umhvørvisskipan, ið leggur seg eftir umhvørvis tilvitaðari framleiðslu. Ein íløga í eina umhvørvisskipa kann í longdini vera við til at spara burturkast, orku og rávøru.

Umhugsa tit eina ISO14001 góðkenning?
Tilgongdin at fáa eina ISO14001 góðkenning er ymisk frá felag til felag. Vit kunnu ráðgeva og vegleiða eftir tí tørvi, ið tit hava brúk fyri..

Hava tit eina ISO góðkenning?
Tað er sera týdningarmikið at ein umhvørvisskipan mennist saman við virkseminum hjá felagnum, soleiðis at man ikki endar við nyttuleysum mannagongdum. ISO14001 góðkenningin er í gildið í 3 ár í senn.

Vit kunnu veita:

  • Ókeypis innleiðandi prát
  • Heildarloysn uppá ISO góðkenning
  • Innanhýsis skoðan
  • Talgildar mannagongdir
  • Upplæring av umhvørvisleiðara, leiðsluni og øðrum

Set teg í samband við okkum, og fá meira at vita.

06 Mai

ISO 9001 góðsku standardurin

  06. mai 2015

ISO 9001 standardurin er ein góðskuskipan, ið veitir keyparanum vissu fyri at hann fær eina vøru ella tænastu, ið uppfyllir kravfestingina hjá keyparanum.

Umhugsa tit eina ISO9001 góðkenning?
Tilgongdin at fáa eina ISO9001 góðkenning er ymisk frá felag til felag. Vit kunnu ráðgeva og vegleiða eftir tí tørvi, ið tit hava brúk fyri.

Hava tit eina ISO góðkenning?
Tað er sera týdningarmikið at ein góðskuskipan mennist saman við virkseminum hjá felagnum, soleiðis at man ikki endar við nyttuleysum mannagongdum. ISO 9001 góðkenningin er í gildið 3 ár í senn.

Vit kunnu veita:

  • Ókeypis innleiðandi prát
  • Heildarloysn uppá ISO góðkenning
  • Innanhýsis skoðan
  • Talgildar mannagongdir
  • Upplæring av góðskuleiðara, leiðsluni og øðrum

Set teg í samband við okkum, og fá meira at vita.

22 Apr

Skipanir

  22. apríl 2015

Á góðum fakligum grundarlagi og við nýmótans vælumtóktum framferðarhættum kunnu vit menna, tillaga og gjøgnumføra skráir fyri okkara kundar innan effektiva leiðslu, við fokus á góðsku og kundatørv. Í samstarvi millum virkir ella persónar eru okkara royndir góð barlast.

Við tað at okkara kontaktflata gevur nógvar samstarvsmøguleikar, leggja vit eisini dent á nýggjar og kreativar samstarvshættir, tá hetta er ynskiligt.

Alt eftir hvussu uppgávan sær út, kunnu vit koma inn í myndina á ymsa staðni í fyriskipanini, har okkurt skal granskast. Vit kunnu luttaka sum vegleiðarar, leiðarar fyri arbeiðshátti ella verkætlan, og verða ein samstarvsfelagi, ákoyrari og sundurgreina, tá hetta er neyðugt. Vit kunnu leggja til rættis og gjøgnumføra mennandi skráir fyri alla fyriskipanina ella partar av henni.

Vit kunnu eisini fyribyrgja kapasitetstrupulleikum við at átaka okkum leiðslulíknandi uppgávur í avmarkaðum tíðarskeiðum, tá hetta er ynskiligt

 

Málstýringsskipan, sum gevur úrslit

Hjá fyritøkum og stovnum er tað meira enn nakrantíð neyðugt, at hava klárar strategiir fyri at eydnast í einum støðugt meira alhemsgjørdum heimi.

VRG kann sum tann einasta fyritøkan í Føroyum, veita stovnum og fyritøkum eina sertifiseraða ráðgeving í avriks loysnum, har vit bæði hava vitanina til at menna eina burðardygga strategi,  og eisini hava sertifiseraðan førleika til at sjónliggera mál og avrik í mun til eina strategi / visjón.

Ring til okkum (tf. 666 600), og fá nærri kunning um hesa nýggju og nýmótans tænastuna og skipan.

 

Mál- og avriks stýring innan tað almenna

Munadyggari fyrisiting við mál- og avriksstýring

Landsstýrið setir nú í verk mál- og avriksstýring fyri landsins stovnar. Endamálið er at effektivisera føroysku fyrisitingina.

Stýringin á landsins stovnum verður frameftir meiri málrættað, tá mál- og avriksstýring er farin at virka í almennu fyrisitingini. Landsstýrið hevur samtykt at seta slíka stýring í verk á landsins stovnum.

Munadyggari fyrisiting
Í stuttum er endamálið við mál- og avriksstýring at fáa eina munadyggari, t.e. effektivari, fyrisiting í Føroyum. Sum mest skal fáast burtur úr landsins búskapartilfeingi, og samsvar skal vera millum politiskar ætlanir og uppgávurnar, hin einstaki stovnurin skal loysa.

21 Apr

Rekruttering

  21. apríl 2015

Tað er ikki altíð lætt at velja rættar persónar til týdningarmikil størv. Feilir, sum verða gjørdir í starvslýsingum og/ella í metanini av førleika og persónligum evnum hjá umsøkjarunum, kunnu kosta bæði tíð, pening og ikki minst nógv stríð. At søkja køna hjálp í arbeiðinum við at velja starvsfólk og við samansetingini av t.d. einari virkisleiðslu, kann tí verða ein góð íløga.

Virkisráðgeving bjóðar

Við beinleiðis rekruttering – ofta nevnt "headhunting", kunnu vit eisini leita eftir tí rætta persóninum í okkara egna yvirliti. Harumframt kunnu vit eisini nýta gott av samstarvsfyritøkum og einum tøttum og breiðum sambandi innan vinnulív og almenna fyrisiting.

Yvirordnaða málið er sjálvandi at finna besta persónin og at eyðmerkja tey menningarevnir viðkomandi hevur, at møta teimum krøvum sum setast til úrslit og produktivitet.

Okkara royndir eru drúgvar í samband við rekruttering. Vit hava drúgvar royndir við at hjálpa smærri og størrum virkjum við at finna egnaði starvsfólk.

Ein setanartilgongd verður altíð tillaga fyritreytunum hjá ymisku leiðslunum og fyritøkunum. Okkara royndir eru eisini avgjørt, at bestu loysnirnar fær ein, um ein støðugt mennir nýggjar skipanir við støði í verandi virkismentan.

Okkara tænastur í samband við rekruttering eru m.a.:

  • Hjálp í samband við setanarsamrøður, har tit sum kundi annars standa fyri sjálvari setanarprosessini.
  • Referansuhjálp í samband við setanir.
  • Skeið í setanarmannagongdum (Grundskeið, og víðka skeið)
  • Hjálp í samband við starvsfólkaviðurskiftir, starvsfólkapolitikk v.m.
  • Full ábyrgd av útveljingini frá lýsing til setanin er framd.
  • Meting av førleika hjá umsøkjarum gjøgnum Cases og Tests.
  • Útgreinan av krøvum til ávís størv
  • Útgreinað tilmæli í samband við setan.

Aðrar tænastur knýttar til tað sum er nevnt omanfyri.

Fyritøkur hava ymiskan tørv, og verða, okkara tænastur tí settar saman eftir tørvi. Tað týdningarmesta er tó, at vit altíð loysa uppgávuna í einum tøttum samstarvi við okkara kundar.

Virkisráðgeving bjóðar fegin ein óbindandi fund við áhugaðar fyritøkur, við tí endamáli at finna útav, hvussu ein ráðgevingartilgongd kann skipast.

Rekruttering – Hvat verður hugt eftir

Í samband við setanarhjálp, taka vit útgangsstøði í verandi støðu hjá umsøkjarum, og møguligar menningarmøguleikar innan tað, ið viðkomandi skal virka innan fyri. Hugt verður eisini eftir, hvussu persónar virka saman við øðrum, og t.d. sum partur av einari leiðslu.

Nógva ella lítla hjálp?

Um tykkara virki umhugsar uttanhýsis hjálp í samband við starvssetanir, kunnu vit eisini geva tilboð uppá partvísa hjálp í samband við eina setanartilgongd. Alt eftir hvør tørvurin er, kunnu vit soleiðis veita eina heildarráðgeving, ella avmarka okkum til eina meira vegleiðandi uppgávu. Tilboð verða tí givin í hvørjum einstøkum føri, í mun til tann tørv fyritøkur hava.

Setið tykkum í samband við okkum fyri nærri kunning.

21 Apr

Búskapur

  21. apríl 2015

Tølini tala fyri seg og vísa uttan náði, hvussu til stendur við virkseminum. Er fíggjarstøðan vánalig, stendur tað eisini illa til við virkinum. Vit hava góða og umfatandi vitan til at tulka gongdina við, at meta um lønsemið og gera fíggjarligar sundurgreiningar. Í nøkrum førum snýr okkara luttøka seg um at betra ella innføra nýggjar skipanir og mannagongdir innan fíggjarliga stýring.

Í øðrum førum kanna vit kapital- og íløgusíðuna. Her veita vit hjálp gjøgnum ráðgeving, samband og samráðingar við fíggingarstovnar fyri at hjálpa uppá fíggjarstøðuna yvir styttri og longri tíðarskeið.
Við okkara luttøku kann málið m.a verða, at kundin skal kunna vísa til:

  • Betri lønsemi
  • Hægri effektivitet/produktivitet
  • Effektiva kostnaðarstýring
  • Effektiva framleiðslu

Okkara royndir innan analysuarbeiði eru drúgvar, og fakliga hava okkara starvsfólk hægstu útbúgvingar innan búskaparfrøði (cand. merc), Master of Fisheries Science (fiskivinnufrøði) og enskar útbúgvingar innan búskap.
Vit vísa eisini fegin til arbeiðir, ið vit hava gjørt áður - tó ikki uttan at kundin fyrst hevur góðkent eina slíka tilvísing.

Vælkomin til at set teg í samband við okkum, um nærri kunning ynskist.

21 Apr

Marknaðar ráðgeving

  21. apríl 2015

Í samband við marknarðarføring, er orðatakið "hann veit best, hvar skógvurin trýstir, sum er í honum", bert ein hálvur sannleiki. Í tí dagliga arbeiðinum hevur ein ofta lætt við at hugsa ov nógv um sítt virki og vinnuna sum heild, og ger hetta, at tað kann verða ringt at fáa eina klára mynd av marknaðinum. Harumframt er tann vanligi gerandisdagurin ofta so strævin, og tað viðførir at ov lítil orka verður brúkt til langtíðar marknaðarhugsan.

Innan hetta økið kunnu vit, við "frískum eygum", veita hjálp við vegleiðing og marknaðarkanningum, marknaðarætlanum og marknaðarføringsleiðslu.

Við høgari marknaðarføringsvitan og vælmentum framgangshættum kunnu vit hjálpa til við at gera nyttu av og menna marknaðarmøguleikarnar hjá kundanum.

21 Apr

Altjóða góðkenningar

  21. apríl 2015

Rákið seinastu árini hevur verið, at alsamt fleiri íleggjarar og kundar leggja trýst á veitarar, um at fáa gjøgnumskygni í framleiðslu, tryggja burðardygga vørur og tænastur í einum tryggum arbeiðsumhvørvi. Fyri at vera kappingarførar eru tað støðugt fleiri fyritøkur, ið fáa sær eina leiðsluskipan, ið passar til teirra tørv.

Endamálið við øllum leiðsluskipanum er at seta mál, ið kunnu mátast og samsvara við til dømis góðskukrøv, politikk og krøv hjá virkinum annars. Hesar skipanir skapa tískil álit í millum keypara og veitara.

VRG hevur drúgvar royndir innan leiðsluskipanir og sertifiseringar til ávísar vinnugreinar. Vit hava gjøgnum árini hjálpt nøkrum av fremstu feløgum í Føroyum, eisini almennum stovnum, við at liva upp til krøvini innan t.d.: ISO 9001, ISO 14001, OHSAS 18001, Global G.A.P., ASC, FPAL, IFIS, IFFO, Achilles v.fl.

Um tit sum fyritøka/stovnur umhugsa at innføra eina altjóða viðurkenda leiðsluskipan, so kann fyrsta stigið vera eitt innleiðandi prát við VRG, har vit saman við tykkum, umrøða hvør skipan er best egnað til tykkara virksemi og tørv. Vit kunnu veita heildarloysnir, har vit vegleiða frá byrjan og inntil eitt møguligt sertifikat er fingið til vega.

Les meira um ymisku leiðsluskipanirnar í vinstra bredda, ella set teg í samband við okkum, og fá meira at vita. Tað finnast ikki góðkendar leiðsluskipanir á føroyska marknaðinum í dag, sum VRG ikki hevur førleika innanfyri. Vit kunnu tí, við støði í vitan uppbygd síðan vit byrjaðu okkara virksemi í 1997, virka sum heildarráðgevi fyri fyritøkur / stovnar, til allar leiðsluskipanir.

17 Apr

Tænastur til virkir og stovnar

  17. apríl 2015

Tað eru nógvar fyritøkur/stovnar, ið byrja við einum klárum endamálið, men tá virksemi hevur verið í gongd eina tíð, kann vera torført at halda seg til virksemisætlanina, tí endamálið kann jú vera broytt síðani virksemið byrjaði. 

Tað kann vera trupult at seta tíð og orku av til annað enn dagliga raksturin. Fyri at eitt hvørt virksemi skal hava lívið lagað, er neyðugt at leggja ætlanir framum morgindagin. VRG kann ráðgeva á økjum, ið tørva nýhugsan og menning so at virksemi hjá felagnum fylgir við marknaðarbroytingum. Vit kunnu eisini fyribyrgja kapasitetstrupulleikum við at átaka okkum leiðslulíknandi uppgávur í avmarkaðum tíðarskeiðum, tá hetta er ynskiligt.

Vit hava royndir úr Føroyum og øðrum londum, frá privatum virkjum og almennari fyrisiting. Starvsfólk við høgari útbúgving, góðska og virkismoralur skal koma okkara kundum til góða, gjøgnum tey úrslit, sum verða nádd. 

Les meira um okkara virkisøkini, ið síggjast á vinstra bredda.

Samband

  Heiðavegur 5   +298 666600
  P.O. Box 26   +298 566600
  600 Saltangará   vrg@vrg.fo
  Faroe Islands   Finn okkum

 

Samband

  Heiðavegur 35   +298 666600
  P.O. Box 26   +298 566600
  600 Saltangará   vrg@vrg.fo
  Faroe Islands   Finn okkum

 

Melda til tíðindabræv

Melda til tíðindabræv