ISO 9001 standardurin er ein góðskuskipan, ið veitir keyparanum vissu fyri at hann fær eina vøru ella tænastu, ið uppfyllir kravfestingina hjá keyparanum.

Umhugsa tit eina ISO9001 góðkenning?
Tilgongdin at fáa eina ISO9001 góðkenning er ymisk frá felag til felag. Vit kunnu ráðgeva og vegleiða eftir tí tørvi, ið tit hava brúk fyri.

Hava tit eina ISO góðkenning?
Tað er sera týdningarmikið at ein góðskuskipan mennist saman við virkseminum hjá felagnum, soleiðis at man ikki endar við nyttuleysum mannagongdum. ISO 9001 góðkenningin er í gildið 3 ár í senn.

Vit kunnu veita:

• Ókeypis innleiðandi prát
• Heildarloysn uppá ISO góðkenning
• Innanhýsis skoðan
• Talgildar mannagongdir
• Upplæring av góðskuleiðara, leiðsluni og øðrum

Set teg í samband við okkum, og fá meira at vita.

Krøv og ynskir til menning, effektivitet og lønsemi eru niðurfeld í framtíðarætlanir og mál fyri flestu virkir, feløg, og umsitingargreinar.

Søgan hjá VRG gongur aftur til 1997, tá felagið varð stovnað. Serliga legði VRG dent á at veita eina tænastu, ið hjálpti okkara kundum at náa mál innan leiðslu, búskap, marknaðarføring, rekruttering, góðsku- og umhvørvisstýring. Síðani stovnan hevur VRG ment seg saman við sínum kundum. VRG hevur soleiðis ein høgan og breiðan fakligan førleika innan okkara virkisøkir, sum í dag eisini fevna um sølu og keyp av fyritøkum, KT-loysnir og samskipan av verkætlanum og feløgum. Tað ger okkum før fyri at luttaka í smáum, sum stórum verkætlanum - sjálvstøðugt, ella í samstarvi við okkara samstarvsfelagar í inn- og útlandi.

Ein av okkara visjónum er, at vera ein álítandi samstarvsfelagið, eisini tá talan er um ráðgeving og størri verkætlanir. Vit hava tí itt breitt netverk, sum m.a. tryggjar:

• Atgongd til nýggjastu vitan innan okkara virkisøkir
• Møguleika fyri at samstarva við aðrar ráðgevarar, har vit sjálvi mangla ressursir
• Sertifiseringar av ymiskum slag, ið eru við til at tryggja okkara kundum hægstu tænastugóðsku
• Luttøku í altjóða verkætlanum.

Tú ert vælkomin at seta teg í samband við okkum, um tú hevur brúk fyri hjálp við eini uppgávu – vit ráðgeva fegin.

Fá stýr á matvørutrygdini!

Málið við skeiðnum er at geva luttakarum grundleggjandi og nýtiligan førleika til HACCP krøvini innan matvørutrygd.

Innihaldið á skeiðinum tryggjar at krøvini til útbúgving av HACCP/matvørutrygdartoyminum eru uppfylt, sambært frágreiðing í BRC Global Standard Food og ISO 22000.

HACCP er eitt av týdningarmiklastu amboðunum innan matvørutrygd.

Innihald

Skeiðið inniheldur m.a. fylgjandi:

• Meginreglur í HACCP hugsjónini
• Váðametingar
• Skjalprógvan av váðametingum
• Skjalprógvan fyri stýring av CCP, GMP og/ella oPRP/PRP
• Krøvini til innanhýsis skoðan (audit)
   

Eftirspurningurin eftir starvsfólki við royndum og førleikum innan verkætlanarleiðslu er støðugt vaksandi.

Eingin ivi er um, at hesin arbeiðs- og leiðsluháttur verður eitt sterkt framtíðar arbeiðsamboð.

Verkætlanarleiðsla er ein sermerktur leiðsluháttur, har dentur verður lagdur á stýring eftir ítøkiligum málum, neyvari ráðlegging, samskipan og ikki minst samskifti innan serligar og ofta tíðaravmarkaðar karmar.

Málbólkur

Skeiðini venda sær til verandi og komandi verkætlanarluttakarar og -leiðarar, ið hava tørv á førleikum og íblástri innan verkætlanararbeiði. Samstundis eru skeiðini sera viðkomandi fyri leiðsluna í eini fyritøku.

Bygnaður

VL Skeið 1

Innihald
Skeið 1 í verkætlanarleiðslu inniheldur ein ástøðiligan part og ein praktiskan part, har skeiðluttakararnir fáa høvi at royna tey ymisku amboðini innan verkætlanarleiðslu.

VL Skeið 2

Innihald
Skeið 2 er fyri fólk, ið hava grundleggjandi førleika innan verkætlanarleiðslu og, sum ynskja at víðka sína vitan.

Ástøðiliga, er skeiðið eitt gott grundarlag fyri tey, ið hugsa um at fáa eina góðkenning innan verkætlanarleiðslu, t.d. frá PMI. Skeiðið inniheldur bæði ástøðiligan og praktiskan part.

Skeiðslýsing

Vanlig skrá

Fyrrapart

Innlit í verkætlanaramboð og framferðahátt, tá verkætlanir verða lagdar til rættis.

Seinnapart
Størri fokus á bólkauppgávur: Luttakarar samstarva í bólkum, við uppgávum, sum taka útgangsstøði í tí, sum verður undirvíst í.

Hvat fæst burturúr?
Vit kunnu veita trygd fyri at luttakarar eftir tveimum døgum hava eina betri fatan av grundleggjandi verkætlanarleiðslu:

• Vitan um verkætlanarkarmar
• Førleika at seta gagnlig mál
• Kunnleika til verkætlanarbygnað og leiðsluuppgávu
• Førleika at gera varðaætlan
• Tilvitan um váðastýring
• Kunnleika um amboð at stýra verkætlanum

Fyrimunir

Skeiðini í verkætlanarleiðslu leggja dent á, at amboðini eru praktisk at gagnnýta. Uppgávuparturin byggir á grundsetningin: Royn og lær! Hetta ger tað meira áhugavert og avbjóðandi at vera luttakari. Ein fær beinanvegin eina greiða fatan av, hvussu amboðini kunnu nýtast í praksis.

Umstøður
Skeiðini verða hildin á arbeiðsplássinum um nóg nógvir luttakarar eru, ella á einum hóskandi stað - skeiðhøli - har pláss er fyri umleið 10-15 luttakarum. Royndir ráðgevarar frá VRG halda skeiðini. Vanliga verða skeiðini skipað yvir 2 dagar, men longri skeið, ið umfata fleiri øki innan verkætlanarleiðslu, kunnu eisini fyriskipast.

Tit eru vælkomin at seta tykkum í samband við okkum, um tit ynskja eitt skeið í verkætlanarleiðslu, ella aðrar tænastur frá okkum.

Nógvar kanningar vísa, at setan av skeivum starvsfólki, er ein dýrur lærdómur fyri virkir og stovnar. Ein norsk kanning vísir at 4 av 10 fyritøkum, meta, at skeivar starvssetanir kosta fyritøkuni millum 250.000 og 500.000 kr.

Ongin ivi er tí um, at tað loysir seg hjá virkjum og stovnum, at hava eitt støðugt fokus á menning av setanartilgongdum, fyri at styrkja um rættar avgerðir í samband við starvssetanir.

VRG bjóðar í tí við jøvnum millumbilum skeið í starvssetan og samrøðuteknikki.

Skeiðið verður hildið yvir ein dag, frá kl. 9.00 til 16.00:

Skrá

• Innleiðandi um skeiðið
• Alment um setanarpolitikk
• Setanartilgongd
• Kravfestingar
• Fyrireiking av setanarsamrøðum
• Gjøgnumføring av setanarsamrøðum
• Meting av eginleikum.  
• Nær er hetta viðkomandi, og hvat krevst fyri at nýta tilhoyrandi amboð?  
• Setanarmannagongdir

Kunning
Høvi verður at stilla spurningar so hvørt gjøgnum framløgurnar
Steðgir verða hildnir eftir tørvi
Skift verður millum ástøðiliga undirvísing og bólkaarbeiði

Kostnaður: Luttøkukostnaðurin fyri skeiðið, er 2.550 kr. +mvg fyri hvønn persón, íroknað mat og tilfar. Kanna skeiðskalendaran fyri at finna útav nær næsta skeiðið verður. Eisini ber til at bíleggja skeiðið, meir um hetta fæst at vita við at venda sær til vrg.

Eru spurningar um skeiðini, kunnu tit ringja á tlf. 566600.

ISO 14001 standardurin verður dagførdur í jøvnum millumbilum. Nýggjastu dagføringarnar koma, eftir ætlan, í gildið í seinnu helvt av 2015. Skeiðið gevur førleika til nýmótans umhvørvisstýring sambært ISO14001 2015 útgávuni, ið fer at leggja størri dent á strategiska umhvørvisstýring.

ISO 14001 er ein tann mest viðurkendi altjóða standardurin til stýring av Umhvørvi- og trygd, og verður nýttur bæði á landi og á sjónum (t.d.umborð á skipum).

Skeiðið gevur tær skjalprógvaða meirvitan um:

• Nýggjastu rákini innan góðskuskipanir serliga viðv. ISO14001:2015
• Minir í millum 2004 and 2015 útgávurnar
• Strategiska umhvørvisstýring
• Life-cycle hugsunarhátturin
• Innanhýsis skoðan (fyrireiking, gjøgnumføring og rapportering)

Tú fært upplæring í teknikkum, ið eru neyðugir, fyri at kunna hava eina virðisskapandi skipan, váðametingar og skoðarnir á skipum, fyritøkum og stovnum.

Undirvísingin er skipað sum ein hóskandi blanding millum framløgu, bólkaarbeiði og stuttar einstaklingauppgávur.

Málbólkur
Skeiðið er ætlað bæði leiðslu, HTU starvsfólki og øðrum, ið kenna til ISO 14001 standardin og hava ábyrgd av umhvørvisstýring felagsins. Er ISO 14001 standardurin ókendur fyri tær, ber til at fáa fyriteikingartilfar til skeiðið við at venda sær til VRG.

Sí skeiðkalendarin, nær næsta skeið verður, ella set teg í samband við okkum á This email address is being protected from spambots. You need JavaScript enabled to view it. ella tlf. +298 566600.

Skeiðslýsing

Skeiðið gevur førleika til nýmótans leiðsluskipanir, har krav er til eitt skipað góðskuarbeiði. Men skeiðið kann eisini vera eitt gott høvi at fáa nærri innlit í hesar skipanir. Á skeiðnum verður høvuðsdentur lagdur á fylgjandi leiðsluskipanir: ISM og Umhvørvi (ISO14001).

ISO 14000 og ISM eru tveir standardir, ið gerast støðugt meiri vanligir at hava í eini felags trygdar-og góðskuskipan, umborð á skipum. Hesir standardir hóska væl saman.

Skeiðið gevur tær skjalprógvaða meirvitan um:

• Nýggjastu rákini innan Trygd og Umhvørvi
• Samanbering av ISM og ISO14001 standardunum, stig fyri stig
• Fremjan av innanhýsis eftirlitum (skoðan v.m.)
• Hvussu tú stýrir eini kompleksari skipan - effektivt!
• Hvørji fokus skulu vera fyri at skipanin gerst ein fíggjarligur fyrimunur?
• Váðametingar: Hvussu verða hesar gjørdar - hvørji hjálpitól eru góð at nýta?

Tú fært upplæring í teknikkum, ið eru neyðugir, fyri at kunna hava eina virðisskapandi skipan, váðametingar og skoðarnir á skipum, fyritøkum og stovnum.

Pláss er vanliga fyri umleið 16 luttakarum á hvørjum skeiði. Tað skulu vera í minsta lagi 6 luttakarar fyri at skeiðið skal gjøgnumførast.

Sí skeiðkalendarin, nær næsta skeið verður, ella set teg í samband við okkum á This email address is being protected from spambots. You need JavaScript enabled to view it. ella tlf. +298 566600.

Skeiðslýsing

Tveir daga skeið um ISO 9001

Skeiðið gjøgnumgongur allar liðirnar í góðskuskipanini ISO 9001. Innihaldið á skeiðinum verður býtt upp í ein ástøðiligan part og praktiskan part við dømum úr gerandisdegnum.

Skeiðið gevur tær grundleggjandi vitan um:

• Nýggjastu rákini innan góðskuskipanir
• Hvat ein góðskuskipan er
• Hvussu tú stýrir eini kompleksari skipan - effektivt!
• Hvør hevur brúk fyri eini leiðsluskipan
• Fremjan av innanhýsis eftirliti (skoðan v.m.)

Eisini verður í stuttum greitt frá møguleikunum fyri sertifisering v.m. av leiðsluskipanum innan góðsku, arbeiðstrygd og umhvørvi.

Málbólkur
Skeiðini eru ætlaði til bæði leiðslu og starvsfólk, ið kenna lítið og onki til ISO 9001 standardin, og sum vilja vita um hetta er nakað fyri teirra fyritøku. Pláss er vanliga fyri umleið 16 luttakarum á hvørjum skeiði. Tað skulu vera í minsta lagi 6 luttakarar fyri at skeiðið skal gjøgnumførast.

Sí skeiðkalendaran, nær næsta skeið verður, ella set teg í samband við okkum á This email address is being protected from spambots. You need JavaScript enabled to view it. ella tlf. +298 566600.

Skeiðslýsing

VRG bjóðar skeið innan tey kjarnuøki, ið vit arbeiða og ráðgeva innanfyri, umframt útvald øki, ið vit annars meta eru viðkomandi og mennandi fyri fyritøkur, stovnar og einstaklingar.

Skeiðini verða, sum meginregla hildin av einum ella fleiri av okkara ráðgevum, ið hava drúgvar royndir og útbúgvingar innan tey øki, sum vit bjóða fram.

Skeiðini hjá VRG verða altíð eftirmett av skeiðluttakarunum, og tryggjar hetta, eina støðuga menning innanhýsis hjá VRG.

Dentur verður lagdur á, at geva luttakarunum munagóða vitan og amboð at arbeiða víðari við.

Eftir lokið skeið, verður skeiðprógv (vanliga á enskum) givið til luttakarar, ið hava gjøgnumført eitt skeið á ein nøktandi hátt.

Endamálið hjá VRG við at veita okkara kundum ávísar KT-Skipanir er, at samantvinna hetta við ta ráðgeving, sum vit veita. 

Vit fokusera tí serliga uppá eginmentar leiðsluskipanir, nevndar konsult, sum hjálpa til við at stýra týðandi kunning, góðkenningum, betringum, førleikum og skjalprógvan sum heild. Les meira á okkara menu til vinstru.